مسرحية (الدنجوان)

 مسرحية (الدنجوان)

كتبتها منذ أكثر من عام ولم أقوم بنشرها ( تناقش المسرحية قضية تهرب الموظفين من عملهم )البطل اسمه سعيد يعمل مع فريق مسرح مصر ولكنه يظهر لأول مرة على المسرح وهو غبي لا يفهم

****************

‏1=السلام عليكم ورحمة الله وبركاته

يدخل الدنجوان المسرح

بعد تحية الجمهور يركز النظر على فتاة في غاية الجمال

تجلس في الصف الأول امامه مباشرة

يبالغ في النظر

يتابع الممثل الآخر حديثه

2=انتا جاي متأخر ليه يا أستاذ سعيد

لا يرد سعيد

يظل ينظر إلى الفتاة

2=يا سعيد جاي متأخر ليه

الو سعيد أنت معايا

1=انتا بتكلمني أنا

2=حمد لله على السلامة

كنت بقول أنت جاي متأخر ليه يا سعيد

1=مين سعيد دا

2=أنت يا ابني مش بتمثل دور واحد اسمه سعيدفي المسرحية

1=أها في المسرحيةمعلش

المفروض أرد عليك أقول ايه

2=أنا المفروض أقولك أنتا جاي متأخر ليه

تقول المواصلات صعبة ومعلش

وتمضي وتخرج

1=حاضر

يتحرك نحو الدفتر ويقول أمضي باسمي؟

2=أها اكتب سعيد

1=بس أنا اسمي مش سعيد

2=يابني اسمك في المسرحية في المسرحية اشق هدومي ؟

1=المسرحية معلش

يدخل اشرف عبد الباقي ويقول

3=أنتا جاي ناسي الدور ولا ايه تعالى نشرب شاي برا تعالى

انتهى المشهد الأول

يدخل الدنجوان ويقف أمام الممثل الأول

ومعه اوراق في يديه

1=الاستاذ اشرف قالي اديك الورق وأقولك

أن المدير بيقول قفل الدفتر وهات أسامي الناس الي غايبة

2=خد قول للمدير دي أسماء الناس الي غايبة

ينزل من جانب المسرح ويجلس بجواري الفتاة

بعد قليل

يدخل الممثل الأول

2=سعيد أتأخر ليه النهارده الواد دا غبي

أحسن يكون اتمسك تحري

صمت لمدة قليلة

ثم يدخل اشرف عبد الباقي

2=ايه يا أستاذ سمير هو سعيد مات ولا ايه المفروض

يدخل دلوقتي

ثم ينظر إلى الجمهور ليجد سعيد بجوار فتاة فيقول له

3=سعيد بيه سعيد بيه

1=مين سعيد دا يا أستاذ اشرف

3=واحد غبي شغال معانا في المسرحية عنده زهايمر

1=آجي ادور معاكم يمكن ألاقيه

3=يا غبي أنت سعيد

1=يا أستاذ اشرف أنا مش سعيد وربنا بطاقتي اهي

3=كان يوم أسود يوم ما اشتغلت معانا

يابني انتا عامل دور واحد اسمه سعيد

1=يعني المفروض أدخل دلوقتي مش كده

3=ده لو معاليك تسمح

1=خلاص جاي اهو

يصعد على المسرح

1=المفروض أدخل أقول ايه

3=انتا تدخل تمضي وتغور من وشي

1=بس كده ده المشهد

أمضي باسمي ولا أكتب سعيد

3=يا ابني حرام عليك هتموتني بجلطة

1=انتا معترض على الموتة ولا على الطريقة

2=اتفضل سيادتك احنا عطلناك معانا

1=لا أبدا أنا تحت امرك لو احتجت أي حاجة

أنا خطي كويس

ينزل يجلس بين الجمهور مرة أخرى

وبينما يتكلم الاستاذ اشرف يقول

3=ايه ده محدش حضر من الموظفين غير الغبي

اللي اسمه سعيد

1=استاذ أشرف هو فيه حد ف المسرحية تاني اسمه سعيد

ولا حضرتك بتقصدني انا ؟

3=لا مفيش حد في الكون غبي غيرك

قبل أن يغلق الستار

1=يا أستاذ أشرف هو انا دوري انتهى كدا ؟

ولا عايزين مني حاجه تاني علشان هروح اجيب العيال من المدرسة

3=لا حضرتك احنا متشكرين جدا لخدماتك العظيمة دي

1=طيب معلش انتوا هتقبضوني

ولا هنقضيها محاكم وكدا

3=لا طبعا هنقبضك معاك فكة عشرين جنيه تسعات ؟

1=لا حضرتك انا موظف

3=لا يبقى خد العشرين جنيه كلها اهي

1=ربنا يخليك يا استاذ اشرف كلك زوق

المشهد الثاني

2=اصطبحنا واصطبح الملك لله نفتح الدرج بقى

علشان الرزق ييجي

4=صباح الفل يا أستاذ مجدي

معلش يا أستاذ مجدي عندي مشوار مهم النهاردة

وهمشي بدري عندي طلعة كدا

(يقوم بإخراج 200 جنيه ويضعها في الدرج)

2=ولا يهمك يا أستاذ نبيل الموظفين لبعضيهم برضه

بس خير طلعة ايه الي عندك دي انتا تعبان ولا حاجه

4=اها بصراحه تعبان جدا بعيد عنك

2=طاب ما تخلي دكتور الشركة يكشف عليك

يمكن يديك برشام يريحك شوية

4= اها ما أنا كشفت وأخدت برشام برضه

2=عند دكتور الشركة ؟

4=لا عند دكتورة استأذنك انا بقا علشان الدكتورة

مستنياني ف الشقة

2= نعم.. انتا مش قولت كشفت وأخدت برشام

4= طبعا أحلى برشام

2=يعني اي أحلى برشام دا كمان هو نوعه اي البرشام

دا يا أستاذ نبيل

4= الحباية الزرقا

2= أنا بسألك عن اسمه مش لونه

4= ما هو اسمه كدا

2=يا راجل ....ودا علشان اي دا يا استاذ مجدي

4=دا ....دا علشان يرفع روحي المعنوية

علشان اعرف اذاكر

2= ودا بيجيب نتيجة معاك يا أستاذ نبيل

4= بص أنا من غيره معرفش اذاكر

2=يااااه للدرجادي الطب اتقدم برشام علشان المذاكرة

يعني انا ولو حبيت اذاكر اخد منه بايه برضه

4=انتا متجوز ؟

2= لا منين يا حسرة انا لاقي اكل

4=يبقى بلاش تاخدها هتتعبك أوي

معلش اسييبك انا بقا علشان الموزة مستنياني

2= موزة مين يا أستاذ نبيل

4= أقصد يا اخي الدكتورة هتكشف عليا

2=والله انا ما فاهم منك حاجه على العموم ربنا يقويك

يدخل عامل القهوة

5=صباح الخير يا استاذ مجدي عامل ايه النهاردة

2= ازيك يا زفت فين القهوة بتاعتي

5=حالا تيجي يا استاذ مجدي يا مدلعنا

انا طالب منك خدمة صغيرة كدا

2=قول يا زفت عايز ايه

5=أنا عايز ازوغ النهاردة وليك الحلاوة

2=حلاوة ايه يا حيوان انتا عايزني اخالف ضميري

وامشيك قبل معادك دا مش ممكن يحصل أبدا

انا راجل طول عمري عندي مبدأ

عمري ما خالفت ضميري وجاي دلوقتي

انتا يا حيوان تقولي عايز ازوغ

اااه قلبي فين حباية الضغط

فين حباية السكر

5=حاشا لله يا أستاذ مجدي

هو حد قال انك تخالف ضميرك أعوذ بالله

يا شيخ

أنا اقصد تاخد ال100 جنيه دي رشوة

2=مش تقول ان معاك فلوس

لا طالما رشوة يبقضى ضميري ارتاح

هتمشي الساعه كام يا أستاذ محمود

5=أستاذ ب 100 جنيه طاب ما تاخد عليها

20 جنيه وتخليها محمود بيه

2=ههههههه الموظفين لبعضيهم يا محمود بيه

5=فعلا انا طول عمري اقول انك راجل

بتاع ربنا روح يا شيخ ....وتعالى بسرعه

*****

3=ازيك يا استاذ مجدي

2=الحمد لله يا سيادة المدير انا ب320 خير الحمد لله

3=اي 320 دي كمان دي الغلة الي لميتها النهاردة ولا ايه

2=غلة ايه يا استاذ سمير هو انتا تقصد ايه

3=أقصد ان حضرتك قالب الشركة كباريه يا بيه

انتا بتاخد رشاوي من الموظفين

وتخليهم يمشوا بدري عن معادهم

2=لا يا استاذ سمير كله إلا الطعن ف نزاهتي

وذمتي

3=يا اخي بزمتك انتا عندك زمة

2=لا طبعا

3=ايه

2=أقصد لا طبعا انا معملتش الي بتقول عليه دا

3=طيب اتفضل يا استاذ مجدي

الإمضا دي بتاع مين ؟

2=دي الإمضا بتاع الأستاذ نبيل

ايون امضته انا شفته بعيني دي

الي هتاكلها الدود الساعه 2 قبل ما يمشي

جالي المكتب ومضى قدامي

3=مش بقولك ان انتا نصاب

طيب ايه رأيك ان الأستاذ نبيل اتمسك

امبارح ف شقة مفروشة الساعه 12 الضهر

يعني قبل ما يمضي بساعتين

تقدر تقولي تفسيرك للكلام دا اي يا استاذ

اتفضل اطلع برا انتا متحول للتحقيق

ويا أستاذ

تقدر تقولي تقبل على نفسك ازاي

تدخل على ولادك فلوس حرام

انتا موظف محترم شكلك ايه دلوقتي

لما تروح بيتك وتقول لولادك

الي واخدينك مثل أعلى

انك اترفدت من شغلك بسبب انك مرتشي وحرامي؟

***************

#انتهى

#الكاتب